Хүн төрөлхтөн хорт хавдрыг ялах, эмчлэх судалгаа, шинжилгээг олон жил хийсээр ирсэн. Сүүлийн жилүүдэд хүний дархлааны системийг идэвхжүүлж, хорт хавдрын эсүүдийг таньж устгах чадвартай вакцин бүтээхээр эрдэмтэд ханцуй шамлан ажиллаж буй.
Тэгвэл хорт хавдрын эсрэг вакцины судалгаа амжилттай болж үр дүнгээ үзүүлж эхэлжээ. Өөрөөр хэлбэл эрдэмтэд хүний дархлааны системийг идэвхжүүлж, хорт хавдрын эсүүдийг таньж устгах чадвартай вакцин бүтээхэд нэг алхам ойртжээ.
Флоридагийн их сургуулийн судлаачид шинэ төрлийн МРНХ буюу олон төрлийн хавдрын эсрэг вакциныг хөгжүүлж, гахайн дээр туршиж үзсэн байна. Энэхүү вакцин нь дархлааны системийг идэвхжүүлж, хавдрын эсүүдийг устгах чадвартай болох нь эхний туршилтаар батлагдсан ба туршилтын үр дүнд олон төрлийн хавдрын эсрэг вакцин бүтээх боломжийг нээлээ гэж мэдэгдлээ.
Флоридагийн их сургуулийн судлаачдаас гадна Оросын эрдэмтэд хорт хавдрын вакцин бүтээхээр ажиллаж байгаа бөгөөд Оросын “Enteromix” нэртэй вакцин нь колоректаль хорт хавдрын эсрэг 100% үр дүнтэй байгаагаа эрт үеийн клиникийн туршилтаар баталсан байна.
