УИХ дахь эрх баригч МАН-ын бүлгийн хурал тун ширүүхэн эхэлжээ. Ногоон автобусны дуулиан, орон нутагт МАН-аас томилогдсон албан тушаалтнууд нэр хүндгүй, авлигын асуудалд холбогдох нь нийтлэг байгааг Ерөнхий сайд томилолтоор ажиллахдаа чихээр сонссон тул гишүүддээ найр тавьсангүй. Ерөнхий
сайд Л.Оюун-Эрдэнэ өнгөрсөн 30 жилийн хугацаанд УИХ, Засгийн газраас нийслэлийг хэзээ ч ингэж тултал дэмжиж байгаагүй. Гэтэл авлигын асуудал хөндөгдөж, тендерийн худалдан авалт олон нийтийн бухимдлыг төрүүллээ. АТГ ногоон аьтобусны төсвийн зарцуулалтын гүйлгээг шалгаж байна. Авлига илэрвэл өөрсдөдөө гомдоорой.
Их хөрөнгө мөнгө зарсан ч олон жил нийтийн тээврийн чанар сайжраагүй нь үүнтэй холбоотой байж магадгүй юм байна. 2009 оноос хойш нийслэлд нийтийн тээврийн шинэчлэл огт хийгээгүй. Ерөнхий сайдын хувиар нийслэлийн асуудлыг байж болох хэмжээнд чухалчлан үзэж, бодлогын ч, санхүүгийн ч дэмжлэг үзүүллсэн. Есдүгээр сараас хойш 28 хоногийн хугацаанд 16 аймгийн 7300 орчим иргэнтэй уулзаж санаа бодлыг нь Ерөнхий сайдын хувиар сонслоо. Одоо нийслэлд онцгой анхаарал хандуулна. Хатигийг шахна, өвдөх байх шүү гэжээ. Сайд Сүхбаатар огцрох өргөдлөө өгөхөөр шийдсэнээ бүлгийнхэндээ дуулгав. Хотын дарга Д.Сумъяабазар үгээ хэлж байна.
