Монголбанкны Ерөнхийлөгчийн 2019 оны 4 дүгээр сарын 8-ны өдрийн А-96 дугаар тушаалаар Капитал банкийг албадан татан буулгасан. Тэгвэл тус банкны удирдлагуудыг энэ хэрэгтэй холбоотойгоор хэрэг үүсгэн шалгаж эхэлжээ. Капиталыг дампуурахад удирдлагуудынх нь оролцоо бий эсэхийг шалгах бөгөөд энэ хэрэгт Нийслэлийн прокурорын газар хяналт тавин ажиллаж байгаа юм байна.
“Капитал” банкинд Эрүүл мэндийн даатгалын сангийн 134.8 тэрбум төгрөг байршиж байсан бөгөөд дампуурлаа зарласны дараа Эрүүл мэндийн даатгалын үндэсний зөвлөл хуралдаж банкны эрх хүлээн авагчаас тус мөнгийг нэхэмжлэхээр шийдээд байгаа юм.
