Францын бэлгэ тэмдэг, 850 жилийн түүхтэй Нотр-Дам буюу Парисын Эх дагинын сүмийг сэргээн засахад зориулж тус улсын тэргүүн баячууд хандив өргөсөөр байгаа талаар бид өмнө нь мэдээлсэн. Тэгвэл хандивын хэмжээ тасралтгүй өсч 1 тэрбум еврод хүрчээ.
Хандивын ажилд тус улсын эрх баригчид, бизнес эрхлэгчид, олон нийтийн байгууллагууд, түүхэн дурсгалуудыг хамгаалах нийгэмлэгүүд хувь нэмрээ оруулэ буй бөгөөд сүмийг сэргээн засахад зориулан хандив өргөж болох цахим хуудас нээсэн байна. Мөн ОХУ, Их Британи, Герман зэрэг олон улсаас туслах саналууд ирсэн байна.
Сүмийн сэргээн босголтод яг хэчнээн хэмжээний хөрөнгө шаардлагатайг одоогоор нарийн тооцох боломжгүй байгаа бөгөөд нарийн, чимхлүүр, уран тансаг энэ барилгын сэргээн засахад дор хаяж 20 жилийг зарцуулж, 8 тэрбум гаруй евро шаардлагатай болно гэсэн урьдчилсан тооцоо байгаа юм.
Энэ мөнгөнөөс гуравны нэгийг нь Францын Засгийн газраас гаргаж, үлдсэнийг нь хандиваар босгохоор төлөвлөсөн байна.
