60 настай эрэгтэйг 15-16 насны хүүхдүүд зодож хөнөөсөн байж болзошгүй байна

Цагдаагийн байгууллагад нийслэлийн Баянзүрх дүүргийн нэгдүгээр хорооны нутаг дэвсгэрт “Хүн хэвтэж байна” гэх дуудлага, мэдээлэл иржээ. Тус дүүргийн цагдаагийн газрын хоёрдугаар хэлтсээс уг дуудлагын мөрөөр шалгахад 60 орчим насны эрэгтэй гаднын нөлөөтэй байж болзошгүй байдлаар амь насаа алдсан байжээ. Цагдаагийн алба хаагчид эрэн сурвалжлах ажиллагааг шуурхай зохион байгуулж 60 настай А-г 15-16 насны хүүхдүүд болох О, С нар шөнийн 02 цагийн үед зодож, амь насыг нь хохироосон байж болзошгүй үйлдлийг илрүүлжээ. Сэжигтэй этгээдүүдийг дайчлан баривчилж, мөрдөн шалгах ажиллагааг үргэлжлүүлж байна.