Сургуулийн орчин дахь дээрэлхэлтийн эсрэг шүгэл үлээгч, хүний эрхийн төлөө тэмцэгч үсчин Пё Йе-рим амиа хорлож нас баржээ. 27 настай бүсгүй өөрөө сурагч насандаа хүчирхийлэл, дээрэлхэлтийн хохирогч болж байснаа зарлаж анх гарч ирж байв.
Сургуулийн хүчирхийллийн хохирогчдыг солонгосоор “хакпок” гэж нэрлэж, гэмт хэрэг үйлдснээс хойш хэдий олон арван жил өнгөрсөн ч хүчирхийлэгчдийн эсрэг тэмцэх “Хакпок #MeToo”хөдөлгөөн өрнүүлж үүний гол дүр нь Пё Йе-рим болоод байсан юм.
Тэрээр тус улсын хууль тогтооижид өөрчлөлт оруулахыг уриалж, сургуулийн хүчирхийллийн хэргийн хөөн хэлэлцэх хугацааг цуцлахыг, гүтгэлгийн талаарх холбогдох хуулиудад өөрчлөлт оруулахыг шаардаж, хохирогчдыг хэнээс ч айлгүйгээр үгээ хэлэхийг уриалдаг байв.
Пё Йе-рим есдүгээр сард Үндэсний ассемблейд хуулийн төслийг албан ёсоор өргөн барьж хамгийн сүүлд юүтүб сувагтаа байршулсан бичлэгтээ уг хуулийн төслийг дэмжихийг уриалжээ.
Түүний цогцсыг мягмар гарагт Пусан хотын Сонжигок усан сангаас олсон гэж Солонгосын цагдаа нар мэдэгдэв.
