Монголоос ирсэн төрийн албан хаагч Чежү аралд бэлгийн хүчирхийллийн хэрэгт сэжигтнээр татагдсаныг өмнөд Солонгосын “KBS” телевиз зургаадугаар сард анх олон нийтэд мэдээлсэн. Энэ хэргийн холбогдогч Сэлэнгэ аймгийн Мандал сумын Засаг даргын орлогчийг бэлгийн хүчирхийлэл үйлдсэн хэрэгт буруутган цагдаа нар баривчилсан.
Чежү хотод энэ хэргийн шүүх хурал өчигдөр болжээ. Хүчингийн хэрэгт буруутгагдаж байгаа М бүх хэргээ шүүхийн өмнө хүлээсэн байна. Тэрбээр хохирогчоос өөрийнх нь үйлдлийг өршөөхийг ч гуйсан ажээ. Чежү хотын эрүүгийн хэргийн шүүхээс М-д холбогдох шүүх хурлыг есдүгээр сард үргэлжлүүлэхээр шийдвэрлэв.
Хохирогч эмэгтэй Монгол Улсын иргэн бөгөөд тухайн үед орчуулагчаар ажиллаж байсан, 2? дөнгөж гарч яваа нэгэн юм. Хэргийн сэжигтэн архидан согтуурснаас дээрх хэрэг гарчээ.
