Ерөнхий сайд Л.Оюун-Эрдэнийн БНХАУ-д хийж буй айлчлалын хүрээнд Боомтын сайд Б.Тулга, Хятадын Гаалийн ерөнхий газрын орлогч, Үндэсний боомтын захиргааны газрын дарга Жан Зэн Лиан нарын хэлэлцээ хийж, Замын-Үүд-Эрээний боомтыг 24 цагаар ажиллуулахаар урьдчилсан байдлаар тохирчээ. Хоёр талаас ажлын хэсэг гарч ажилласны дараа энэ тохиролцоо албажна. Засгийн газраас “Боомтын сэргэлт” бодлого хэрэгжүүлж байгаа бөгөөд энэ удаагийн айлчлал боомт, ачаа тээврийн зангилаа болсон Тяньжин хотоос эхэлсэн нь учиртай. Ерөнхий сайдын айлчлалын эхний үр дүн өмнөд хөрштэй хиллэдэг хамгийн том боомт Замын-Үүд-Эрээнийг 24 цагийн горимд шижлүүлэх тохиролцоо байлаа. Энэ тохиролцоог богино хугацаанд ажил хэрэг болгож чадвал ачаа тээврийн эргэлт өргөжиж, экспортын хэмжээ нэмэгдэх, орлого өсөх эерэг нөхцөл бүрдэнэ.
АЙЛЧЛАЛ: Замын-Үүд-Эрээний боомтыг 24 цагаар ажиллуулахаар тохиролцжээ
