НҮБ-ын Хүүхдийн Сангийн нэрэмжит гудамжны нээлтийн арга хэмжээнд төр, хувийн хэвшлийн төлөөлөл болон Сүхбаатар дүүргийн 11-р хорооны иргэд, оршин суугчид, сургуулийн сурагчид оролцлоо. Монголын хүүхэд бүрийн төлөө хийж буй ажил үйлсийг үнэлж НҮБ-ын Хүүхдийн Сангийн нэрэмжит гудамжтай болгон нэршүүлэх зөвшөөрлийг холбогдох төрийн байгууллагууд өгчээ.
Энэ гудамж нь НҮБ-ын Хүүхдийн Сангаар нэрийдээд зогсохгүй хүүхдийн эрхийг хамгаалагч түнш байгууллагууд хамтран хүүхдэд ээлтэй гудамж болох ажээ. “Бид энэхүү гудамжийг хүүхдэд ээлтэй гудамж болгохоор төлөвлөж байгаа бөгөөд энэ ажилд бүх түншийн дэмжлэг, инновац хэрэгтэй байгаа” гэж НҮБ-ын Хүүхдийн сангийн суурин Төлөөлөгч Эваристе Коуасси-Комлан хэллээ.
