Японы DJ Doooo буюу Масатака Шишидо нь аймшгийн киноны тусгай эффектээс санаа авч хүний биеийн хэсгүүдийг бодитойгоор дүрсэлсэн гоёл чимэглэл хийдэг болжээ. Тухайлбал, амаа ангайсан түрийвч, тасархай хурууны хэлбэртэй бэхэн тамга, нүдтэй зүүлт зэрэг махан биетэй төстэй силикон эдлэл хийж байна. Тэрээр 2017 онд анхны ийм бүтээлээ хийсэн бөгөөд өөрийн цомгоо силиконоор бүрсэн дизайнтай гаргаснаас хойш олон арван ер бусын захиалга авчээ. Эхлээд бараг бүх хүн үүнийг бүдүүлэг, бохир гэж боддог байсан бол одоо урлаг талаас нь харж байна. Олны танил хүмүүс ч их захиалга өгдөг болсон гэж Масатака Ройтерс агентлагт ярьжээ.
Хурууны хэлбэртэй USB төхөөрөмж нь ойролцоогоор 150,000 иен, харин түүний зүүсэн зүүлт нь 580,000 иен буюу 4,500 ам.долларын үнэтэй аж.
