Турк, Сири улсад 7.8 баллын газар хөдлөлт болж хамгийн сүүлийн мэдээгээр 1200 гаруй хүн амиа алдаад байна. Туркийн Ерөнхийлөгч Режеп Тайип Эрдоган хэлэхдээ, Туркт 912 хүн амиа алдаж, 5383 хүн шархадсан. Эрэн хайх, аврах ажиллагаа үргэлжилж байгаа тул эрх баригчид хүний амь үрэгдэгсдийн тоо хэр их нэмэгдэхийг урьдчилан таамаглах боломжгүй байна гэж Ройтерс агентлаг мэдээллээ. Одоогийн байдлаар дэлхийн 45 орон Туркэд туслахаа мэдэгджээ.
Сирийн төрийн мэдээллийн агентлагийн мэдээлснээр тус улсад 320 гаруй хүн нас барж, 1000 гаруй хүн шархадсан байна. Энэ тоо нэмэгдэнэ, олон зуун хүн нурангид дарагдсан байгаа гэж тус анентлаг мэдээлэв.
Газар хөдлөлтийн голомт Туркийн Газиантеп хотын ойролцоо байсан бөгөөд Кипр хүртэл газар хөдлөлт мэдрэгдсэн байна.
