Элон Маск твиттерийн тэргүүний ажлаа үргэлжлүүлэх эсэхээ санал асуулгаар шийдэх нь ээ. Тэрээр “Би Твиттерийн тэргүүний албан тушаалаа өгөх ёстой юу? Би энэ санал асуулгын дүнг дагах болно” хэмээн ням гарагт жиргэв.
Одооогоор санал асуулга 3 сая гаруй санал авсан бөгөөд “Тийм” гэсэн санал 57% -тай тэргүүлж байгаа аж. Санал асуулга дуусахад 10 цаг орчмын хугацаа үлдээд байгаа бөгөөд хэрвээ санал хураалтын дүн хэвээрээ байвал твиттерийн хэрэглэгчид Маскийг одоогийн албан тушаалаас нь огцруулах бололтой.
