Индонези улсад өнгөрсөн бямба гарагт болсон хөлбөмбөгийн тэмцээний үеэр үймээн гарч 125 хүн нас барсан харамсалтай хэрэг гарсан. Хөлбөмбөгийн фанатууд муудсанаас эхтэй уг харамсалтай хэргийн улмаас 323 хүн гэмтсэн ба нас барсан 125 хүний 32 нь хүүхэд байжээ. Амиа алдагсдын хамгийн бага нь 3 настай байв.
Үймээнийг дарахын тулд цагдаа нарын хэрэглэсэн нулимас асгаруулагч үзэгчдийг улам сандаргаж бүгд гарах гэж дайрснаас олны хөлд дарагдаж хүмүүс амиа алдсан. Тэгвэл уг хэргийг шалгах бие даасан багийг тус улсын Хүний эрхийн комисоос байгуулжээ.
Мөн тус улсын Ерөнхийлөгч Жоко Видодо амиа алдсан хүмүүсийн гэр бүлд нэг хүний 3200 ам. долларын нөхөн олговор олгоно гэдгээ мэдэгдлээ.