Шведийн генетикч Сванте Паабо Неандертальчуудын геномын дарааллыг тайлсан хүний хувьслын талаарх бүтээлээрээ Физиологи, анагаах ухааны салбарт 2022 оны Нобелийн шагналыг хүртжээ. Орчин үеийн хүмүүсийн устаж үгүй болсон төрөл төрөгсөд болох генетикийн кодыг амжилттай тайлсных нь төлөө Нобелийн шагналын хороо түүнийг ийнхүү шагнасан байна. Генетикч “Хүн төрөлхтнийг устаж үгүй болсон гомининоос ялгаж буй генетикийн ялгааг илрүүлснээр түүний нээлтүүд биднийг юугаараа онцгой хүн болохыг судлах үндэс суурь болж байна” хэмээн Нобелийн хороо онцолжээ.
Сванте Паабо өмнө нь Сибирийн Денисовын агуйгаас олдсон 40 мянган жилийн настай хурууны ясны хэлтэрхийнээс ДНХ-ийн дарааллыг тогтоож, үл мэдэгдэх Денисован хэмээх гомининыг илрүүлж байсан билээ.
Нобелийн хорооны уг шагналыг 10 сая Шведийн крон буюу 900,357 долларын мөнгөн шагнал дагалддаг байна.