БНХАУ-д сүүлийн хэд хоногт цар тахлын халдварын шинэ тохиолдлын тоо буурч байгаатай холбогдуулан тус улс “Ковид-19” цар тахлын эсрэг хязгаарлалтаа сулруулж, ресторан, хоолны газруудыг заалаар үйлчлэхийг зөвшөөрчээ.
Бээжин хотын ихэнх дүүрэгт иргэдийг 72 цагт өгсөн “Пи си ар” шинжилгээний сөрөг хариутай бол ажлын байрандаа ажиллахыг зөвшөөрсөн байна.
Мөн аялал жуулчлалын байгууллага, цэцэрлэгт хүрээлэн, кино театр болон бусад газруудад үйлчлүүлэгчийн тооны хязгаартайгаар ажиллахыг зөвшөөрсөн байна.
Тус улсад бага, дунд, ахлах сургуулиуд цахимаар хичээллэж байгаа бөгөөд ирэх 7 хоногоос танхимаар хичээллэхээр төлөвлөжээ.
