Супермодель Наоми Кэмпбэлл өнгөрсөн оны тавдугаар сард инстаграмм хаягаараа дамжуулан ээж болсноо анх дуулгаж байсан. Өдгөө 51 настай загвар өмсөгч бүсгүй “Vogue” сэтгүүлийн энэ оны гуравдугаар сарын нүүрийг охиныхоо хамт чимж хүүхдийнхээ зургийг анх дэлгэж байсан юм. Тэгвэл Наоми ээж болох нь түүний амьдралдаа хийсэн хамгийн том, зүйрлэшгүй сайхан зүйл байсан гэж сүүлийн ярилцлагадаа дурджээ. Миний охин маш сайн унтдаг, байнга инээдэг, хөгжилтэй. Тэр мөлхөхөөсөө өмнө алхсан. Яг л супермоделийн охин гэсэн шиг. Тиймээ тэр бол миний бяцхан загвар өмсөгч гэж тэрээр ярьжээ. Түүнийг охиноо өргөж авсан гэсэн яриа гарсан. Үүнийг тэрээр үгүйсгэж, өөрийнх нь төрсөн хүүхэд мөн гэдгийг, энэ талаар ойрын цөөхөн хүн нь мэдэж байгаа гэдгийг яриандаа онцолсон байна.
Хэдий 50 гарсан ч Наоми тайзнаас буугаагүй бөгөөд энэ улиралд гэхэд Парис,Милан, Лондонд Versace, Alexander McQueen, Balmain, Lanvin-ий шоунуудад оролцжээ.
