Төв цэвэрлэх байгууламжийн дөрвөн ажилтан ажлын байран дээрээ харамсалтайгаар амиа алдсан хэрэг өнөөдөр гарсан. Хамгийн сүүлийн мэдээллээр амиа алдсан иргэд хийнд хордсон бөгөөд тэдгээрээс гадна таван иргэн мөн хордсон байна. Тэдгээр 5 ажилтныг Цэргийн төв госпитальд эмчлүүлж байгаа бөгөөд одоогоор биеийн байдал хэвийн байгаа юм байна. Хордсон иргэдийн нэгээс нь шинжилгээ авч ямар химийн бодист хордсоныг тодорхой болгох ажээ. Шинжилгээний дүн хоёр цагийн дараа гарах бөгөөд шинжилгээний дүнгээс шалтгаалж тэднийг энгийн тасагт шилжүүлэх эсэхийг шийдэх юм байна.
УСУГ-ын удирдлагууд болон бусад албаны хүмүүс ослын шалтгаан тодорхой болсны дараа холбогдох мэдээллийг олон нийтэд өгнө гэлээ.
