Орхон аймгийн ИТХ-ын төлөөлөгч, “Эрдэнэт үйлдвэр” ТӨҮГ-ын Хүний нөөцийн мэргэжилтэн С.Юмэнхүү ажлын байран дээрээ архидан согтуурчээ. Зам тээвэр, хөгжлийн яаманд газрын дарга нар нь архидан согтуурч, бие биенийхээ аминд хүрсэн эмгэнэлт явдлаас хойш төрийн албан хаагчид ажлын байран дээрээ архидан согтуурах бүү хэл архи, согтууруулах ундаа оруулахыг хориглосон хууль журам гарч, хэрэв энэ журмыг зөрчвөл ажлаас нь халах хүртэл арга хэмжээ авдаг болсон.
Гэтэл улсын төсвийн 10 хувийг дангаараа бүрдүүлдэг, хөдөлмөрийн аюулгүй ажиллагааг чандлан баримталж ажиллах ёстой улсын онцгой объектод Хүний нөөцийн мэргэжилтэн хийдэг, 7000 уурхайчныг удирдлагаар хангах үүрэгтэй албан тушаалтан архидан согтуурдаг, эл зүй бус үйлдлийг нь удирдлагын зүгээс нуун дарагдуулж, өөгшүүлсээр байх уу гэдэг нь удахгүй тодорхой болох байх.
Гол нь ийм их эрх дархыг С.Юмэнхүүд хэн олгосон бэ. Авилга хээл хахуулиар, үгүй ядахдаа л танил талаараа түрий барьж энэ том үйлдвэрт ажилд ордог, энэ нь соёл, хэвшил болтлоо ээнэгшсэн гэгддэг ГОК-ыг тойрсон явган яриа үнэн үү. Эсвэл Орхон аймгийн ИТХ-ын төлөөлөгч гэхээрээ ийм “даам” байдаг уу. С.Юмэнхүү мэргэжилтний эл кэйсээс харагдах биз ээ.
Эх сурвалж: Reelnews.mn
