Хойд Солонгосын төрийн мэдээллийн агентлагийн энэ сарын эхээр өгсөн нэгэн мэдээлэлд БНАСАУ-ын удирдагч Ким Жун Уны охин Ким Жу Ае тансаг хүрэм өмссөн зураг нийтлэгдсэн байв. Маргааш нь Хойд Солонгосын төв телевизээр 3-р сарын 16-ны өдрийн зураг дээр 10 настай гэж таамаглаж буй залуу охин “Dior”-ийн юүдэнтэй хүрэм өмссөн байжээ.
БНСУ-ын хэвлэл мэдээллийнхэн эдгээр зураг, бичлэг цацагдсаны дараа удирдагчийн охины тансаг хувцаслалтын талаар өлгөж аван бичиж байна. Өлсгөлөн, ядуурал ихтэй гэгддэг хойд Солонгост 1900 ам.доллар буюу 2.4 сая воны хүрэм 10 настай хүүхэд өмсч байгаа нь тус улсад байдал тийм ч хэцүү биш байгааг, эсвэл удирдагч нарын хэт тансаглалыг харуулж байна гэж Өмнөд солонгосын хэвлэлүүд дүгнэж байна.
Мөн үүний өмнө 2020 оны аравдугаар сард БНАСАУ байгуулагдсаны 75 жилийн ойн баярын жагсаалын үеэр Ким Жун Ун хойд Солонгосын энгийн иргэн хэзээ ч авч чадахгүй Швейцарийн брэндийн IWC-ийн Portofino Automatic цаг зүүсэн байсныг ч Өмнөдийн хэвлэлүүд онцлов. Тийм цаг хамгийн багадаа 14 сая воны үнэтэй. Хүнд хэцүү цаг үед улс орны өмнө тулгарсан зовлон зүдгүүрийг тэвчихийг олон нийтдээ уриалж зогохдоо тийм үнэтэй цаг зүүсэн нь ичгүүртэй гэж https://www.koreatimes.co.kr/ сайтад бичжээ.
