БНХАУ-ын хамгийн олон үзэгчтэй “Jiangsu” телевизийн “Super brain” шоу гуравдугаар сарын 24-нд болж, Монгол Улсын хоёр тамирчин ялалт байгуулжээ. Тодруулбал, тус шоу нэвтрүүлэгт Монголын оюун ухааны академийн тамирчин, Ой тогтоолтын дэлхийн аварга Н.Мөнхшүр, Н.Энхшүр нар амжилттай оролцож, тэргүүлсэн байна.
Бээжингийн их сургуульд суралцаж буй, “Гиннесийн дээд амжилт” эзэмшдэг тэд “Тархины хаан” хочит Cheng Zhi Qiang болон Хятадын ой тогтоолтын өнгөрсөн оны аварга Xu Yangran нартай өрсөлдөж, хүний алганы хээ тогтоох даалгавар хийж гүйцэтгэжээ. Тэмцээний төгсгөлд Хятадын тамирчид алдаа гаргаж, Н.Мөнхшүр, Н.Энхшүр нар бүтэн оноогоо авч чадсанаар 5:6 харьцаатайгаар ялсан байна.
