Ш.Сайхансамбуу шинэ нам байгуулахаар Дээд шүүхэд хүсэлтээ өгчээ. Ардын чуулган намын даргаар бүртгүүлэх хүсэлтээ Улсын дээд шүүхэд өгсөн байна. Улсын дээд шүүхийн албан мэдээнд “Монгол Улсын дээд шүүхийн нийт шүүгчийн хуралдаан 2022 оны хоёрдугаар сарын 9-ний өдөр товлогдлоо. Хуралдаанаар Ардын чуулган нам, Сайн ардчилсан иргэдийн нэгдсэн нам, Монголын Төв нам үүсгэн байгуулсныг бүртгүүлэх хүсэлтүүдийг тус тус хэлэлцэнэ” гэжээ.
“Нарантуул” захын эзэн Ш.Сайхансамбуу 2008 онд УИХ-ын гишүүнээр сонгогдон ажиллаж байсан. Тэрбээр анх МАН-ын гишүүн байгаад намаасаа салан тусгаарлаж, Үнэн ба зөв намыг үүсгэн байгуулж байв. Гэвч Үнэн ба зөв намаа А.Отгонбаатарт өгч, нэг хэсэг улс төрөөс хөндийрсөн. Одоо улс төрд эргэн ирэхээр ийн зэхжээ.
