Венесуэлийн нийслэл Каракас хотнооо өчигдөр цэрэг, цагдаагийнхан болоод иргэдийн дунд томоохон мөргөлдөөн болж 80 гаруй хүн бэртэж гэмтэж, 150 хүн баривчлагджээ. Тус улсын Ерөнхийлөгч Николас Мадуро энэ үйл явдлыг төрийн эргэлт хийх ээлжит ородлого гэж дүгнэж байна. Тодруулбал, АНУ болон АНУ-ын Ерөнхийлөгчийн зөвлөх Жонн Болтоны оролцоотойгоор энэ жагсаал цуглаан зохион байгуулагдсан. АНУ-ын тал Жонн Болтоны өдөөн турхирсан энэ үйл ажиллагааг шалгах хэрэгтэй гэж тэрээр мэдэгдлээ.
Венесуэлийн сөрөг хүчний удирдагч Хуан Гуайдог дэмжигчид болон тус улсын цэрэг армийнхны дунд үүссэн энэ мөргөлдөөний үеэр баривчлагдсан 100 орчим хүн одоо ч суллагдаагүй байгаа ажээ.
Сөрөг хүчнийхэн иргэний дайн эхлүүлэхийг хүсч байна гэж Мадуро энэ үйл явдлын талаар мөн мэдэгдсэн юм.
