БНАСАУ-ын удирдагч Ким Жон Ун ОХУ-ын Ерөнхийлөгч Путинтэй уулзахаар Владивосток хотод иржээ. ОХУ-ын төв телевиз умардын удирдагчийн ОХУ-д хувийн галт тэрэгнээсээ бууж буй агшныг дамжуулсан байна.
Ким Жон Уныг ОХУ-ын хил давсны дараа Хасан өртөөн дээр цэцэг болон орос заншлаар талх, давстай угтсан бөгөөд умардын удирдагч ОХУ-д хөл тавьсандаа баяртай байна гэж хэлснийг ТАСС агентлаг дамжууллаа. ОХУ-ын албаны нэлээд олон хүн түүнийг галт тэрэгний буудал дээр угтсан бөгөөд тэдэн дунд Путин байсангүй.
Тэдний уулзалт маргааш эхлэх бөгөөд энэ уулзалтаас албан ёсны ямар нэгэн гэрээ хэлэлцээ үзэглэхгүй юм.
