“Чингис хаан” одонг Морин хуур чуулгад олгох болсныг сонордууллаа

Их эзэн Чингис хаан мэндэлсний 861 жилийн ой, Монгол бахархлын өдрийг тохиолдуулан Монгол Улсын төрийн дээд шагнал, тэргүүн зэргийн “Чингис хаан” одонг 2023 онд Улсын филармонийн Морин хуур чуулгад олгохоор болсныг Ерөнхийлөгчийн Тамгын газраас сонордууллаа. Энэхүү одонг Ерөнхийлөгчийн зарлигаар 2005 оноос хойг олгож эхэлсэн байдаг. Чуулгад одон хүртээгээд зогсохгүй бүрэлдэхүүнийг өргөтгөх, техник, хөгжмийг шинэчлэх талаар ойрын хугацаанд шийдвэр гаргахаар ажиллаж байгаа ажээ. Тус чуулга 1992 оноос хойш эх орноо сурталчлах, өв соёлоо дэлхийд түгээх үйлсэд түүчээлж ирсэн гавьяаг төр ийн үнэлжээ.