Говьсүмбэр аймгийн шүүхээс “Нэткапитал” ББСБ-ын үүсгэн байгуулагч Д.Сүндийг хугацаанаас нь өмнө суллах шийдвэр өнөөдөр гаргажээ. Н.Сүндий нь эхнэртээ хүч хэрэглэсэн хэрэгт буруутаж шүүхээс гурван жилийн хорих ял аваад Говьсүмбэр аймгийн 425-р хорих ангид ял эдэлж байсан юм. Тэрбээр хоёр жил 23 хоногийн ял эдэлсэн бөгөөд дахиад 11 сарын ял үлдээд байсан юм. Анхан шатны шүүхээс түүнийг тэнсэн харгалзахаар суллах боломжгүй гэж шийдснийг давж заалдах шатны шүүхэд гомдол гаргаж, хэлэлцүүлсэн нь энэ ажээ.
Ерөнхий сайд асан Ч.Сайханбилэгийн санхүүгийн асуудлыг шийдэх хэрэгцээ байгаа учраас хугацаанаас нь өмнө яаравчлан суллуулахаар улс төр, эдийн засгийн тодорхой бүлэглэл ажиллаж эхэлсэн гэх хардлага хүчтэй явж байна. Н.Сүндийгийн үүсгэн байгуулсан “Нэткапитал” ББСБ-аас 2023 онд л гэхэд Ерөнхий сайд асан Ч.Сайханбилэгийн хүчинтэй кредит картын данс руу дөрвөн удаагийн үйлдлээр 250,000 ам.доллар буюу 800 гаруй сая төгрөг шилжсэн болохыг хэвлэлүүд мэдээлж байсан.
Н.Сүндийгийн “Нэткапитал” ББСБ-аас Ерөнхий сайд Ч.Сайханбилэгийн эхнэр О.Байгалийн эзэмшлийн “Байгаль хаус” ХХК руу 220 сая төгрөгийн гүйлгээ хийсэн гэх мэдээлэл ч байна.
