Гэрээс нь 7.3 тэрбум төгрөг олдож дуулиан дэгдээсэн “Улаанбаатар төмөр зам”-ын Тээвэр зохион байгуулалтын албаны орлогч дарга асан С.Батдөл болон гурван жилийн хорих ял шийтгэгдсэн түүний ах С.Баттулга нарын шүүгдэгч нарт холбогдох давж заалдах шатны шүүх хурал өчигдөр Нийслэлийн Эрүүгийн хэргийн анхан шатны шүүхэд болсон юм.
Давж заалдах шатны шүүхээс С.Батдөлд оноосон 12 жилийн хорих ялаас хоёр жилийг хасаж, 10 жилийн хорих ял болгосон байна. Түүний хахууль авах гэмт хэргээс нэг жил, мөнгө угаах гэмт хэргээс нэг жилийн хорих ялыг хасахаар шийдвэрлэжээ. Бусад шүүгдэгч нарт оноосон анхан шатны шүүхийн ялыг хэвээр үлдээн шийдвэрлэжээ.
