Өнгөрсөн бямба гаригийн өглөө Хамас бүлэглэлийн дайчдын нэгдсэн зохион байгуулалттай довтолгооны дараа Израиль, Газад 1000 орчим хүн амиа алдаад байна. Олон хүн хүнд шархадсан тул амь үрэгдэгсдийн тоо нэмэгдэх байх гэж Израилийн батлан хамгаалах хүчин мэдэгдлээ. Газын зурваст агаарын цохилт өгсний улмаас 123,000 палестинчуудыг нүүлгэн шилжүүлж, 74,000 орчим нь сургуульд орогнож байна гэж НҮБ мэдэгдэв.
Израилийн Батлан хамгаалах хүчний (IDF) хэвлэлийн төлөөлөгч Жонатан Конрикус ням гарагийн орой видео бичлэгтээ “Энэ бол Израилийн түүхэн дэх хамгийн муу өдөр” гээд “Өмнө нь хэзээ ч израильчууд ийм олноороо нэг л өдөр дайсны гар үрэгдэж байгаагүй” гэжээ.
Израилийн хөгжмийн наадамд оролцож байсан олон зуун хүмүүс Хамасын дотволгооны хэд хэдэн байршлын нэг байв. Хөгжмийн наадамд оролцож задгай талбайд цугласан хүмүүст хоргодох газар олдоогүй бөгөөд Израилийн аврах албаны мэдээлснээр наадмын талбайгаас одоогоор 260 цогцос олдоод байна. Мөн зарим үзэгч зэвсэгт этгээдүүдэд барьцаалагджээ.
