Ромын пап Францис Монгол Улсад анх удаа төрийн айлчлал хийж байна. Тэртээх 13-р зуунд Их Монгол улсын хаадтай харилцаж байсан Ромын пап хэмээх католик шашинтнуудын тэргүүн 777 жилийн дараа талын Монголд хөл тавьсан нь түүхийн цоо шинэ хуудсыг эргүүлсэн үйл явдал юм. Ромын папыг төв талбайд албан ёсоор угтан авах ёслолын үеэр шавилхан монгрл охин италиар мэндчилсэн нь дэлхийн анхааралд өртөв.
Тэрхүү цовоо охин бол Ганбатын Хулан байв. 23 дугаар сургуулийн 6В ангийн сурагч. Италийн Ром хотноо Principessa Mafalda цэцэрлэг, сургуульд 3 жил сурсан. Өдгөө 23 дугаар сургуулийн 6в ба англи хэлний Мягмарсүрэн багшийн ангид сурдаг. Аав ээж, дүү болон ахтайгаа амьдардаг. Ирээдүйд улс орныхоо нэрийг гаргасан дипломат болох хүсэлтэй бөгөөд Итали улсад их сурах чин зорилготой ажээ.
