Засгийн газраас долоодугаар сарын 1-нээс ахмадуудын тэтгэвэр, төрийн албан хаагчдын цалин нэмэгдэхийг мэдэгдсэн. Сангийн сайдын мэдээлснээр төсвийн тодотголыг 1.8 их наяд төгрөгөөр баталжээ. Үүнээс 396 тэрбум төгрөг нь ахмад настны тэтгэврийг нэмэхэд зарцуулах ажээ.
Долоодугаар сарын 1-нээс 164.6 мянган ахмадын тэтгэвэрт өөрчлөлт орох бөгөөд нийт тэтгэвэр авагсдын тэтгэвэр 10 хувиар нэмэгдэнэ. Ижил ажил, албан тушаалтай, ажилласан жил ойролцоо боловч хэзээ тэтгэвэр тогтоолгосноос хамаарч ялгаатай тэтгэвэр авч байгаа зөрүү, Тэтгэврийн доод хэмжээг 350,000-500,000 төгрөгт хүргэж нэмэгдүүлэхэд ялгаатай тэтгэвэр авч байсан ахмадууд бүгд тэтгэврийн доод хэмжээгээр нэмэгдсэн зөрүү, 2022 оны хоёрдугаар сард тэтгэвэр 15 хувиар нэмэгдсэнээс хойш тэтгэвэрт гарсан ахмадуудын тэтгэврийн зөрүүг энэ удаа арилгах юм байна. Ингэснээр 164.6 мянган ахмадын тэтгэвэрт өөрчлөлт орох юм.
ЖИШЭЭ:
Итгэлцүүр гэдэг нь анх тэтгэвэр бодсон цалингийн хэмжээг өнөөгийн түвшинд хүргэх тоон илэрхийлэл юм. Итгэлцүүр хэрэглэсэн цалингаас тэтгэврийг дахин бодсоноор ижил ажил мэргэжлээр, ойролцоо жил ажиллаж, шимтгэл төлсөн иргэдийн тэтгэврийн зөрүү арилна хэмээн ХНХЯ тайлбарлажээ.
