Төр, хувийн хэвшлийн хамтарсан “БҮТЭЭГЧ ХАН-УУЛЧУУД 2023” нээлттэй өдөрлөг өнөөдөр мөсөн өргөө “Степпе Арена”-ын гадна талбайд болж байна.
Хан-Уул дүүргийн нутаг дэвсгэрт үйл ажиллагаа явуулдаг “БАЯЛАГ БҮТЭЭГЧ” иргэн, аж ахуйн нэгж, байгууллагуудын үйл ажиллагааг олон нийтэд таниулан сурталчлах, төр, хувийн хэвшлийн хамтын ажиллагааг өргөжүүлэх зорилготой тус өдөрлөгт төр, хувийн хэвшлийн 150 гаруй байгууллага оролцож байна. Өдөрлөгт ирвэл нийгмийн халамжийн зарим үйлчилгээ, эрүүл мэндийн анхан шатны үйлчилгээг олон шат дамжлагагүйгээр шуурхай авах боломжтой бөгөөд номын худалдаа ногоон байгууламж, мод үржүүлэг, компаниуд бүтээгдэхүүнээс худалдан авч болно. Мөн банкууд, кабелийн үйлчилгээ, гар урлалын худалдаа эрхлэгчид ч өдөрлөгт оролцож байна. Хүүхэд, залуучуудад зориулан хөгжөөнт уралдаан, тэмцээн зохиож байна.
