1992 онд Мадонна “Секс” ширээний номоо хэвлэж маш их шуугиан тарьж байсан. Уг номд Мадоннагийн нүцгэн, эрээ цээргүй ч гэж болох гэрэл зургууд багтсан бөгөөд тухайн зургуудыг өнгөрсөн 10-р сард “Секс” сэтгүүлд хэвлэж дахин шуугиан тарьсан. Тэгвэл уг номын 40 гаруй гэрэл зургийг тусгай дуудлага худалдаагаар зарахаар болжээ. Гэрэл зураг тус бүрийг дуудлага худалдаанд оруулах бөгөөд зургууд Мадонна болон загварын гэрэл зурагчин Стивен Мейсел нарын гарын үсэгтэй байх юм байна. Зургийн үнэ нь доод тал нь 50,000 ам.доллараас 300,000 ам.доллар хүртэл байх ба орлогын зарим хэсгийг Мадоннагийн зүүн өмнөд Африкийн өнчин болон эмзэг бүлгийн хүүхдүүдэд дэмжлэг үзүүлэх зорилгоор үүсгэн байгуулсан “Малави өсгөх” ашгийн бус байгууллагад зориулах ажээ.
Поп од Мадонна уг номоо 1990-ээд оны эхээр гаргасан тав дахь цомог болох “Эротика”-тай цуг гаргаж байв. “Секс” номонд Мадонна болон Мадоннагийн тухайн үеийн найз залуу, реппер Ванилла Айс, супермодель Наоми Кэмпбелл зэрэг алдартнуудын нүцгэн болон бэлгийн үйлдлийг дуурайсан зургууд багтсан юм.
Ватикан тухайн үед энэ номыг бойкотлож Ирланд, Япон зэрэг орнуудад худалдахыг хориглосон ч “Секс” 1.5 сая гаруй хувь зарагдаж хит болж байжээ.
