Чарльз хааныг хаан ширээнд залах ёслол ирэх сард болно. Энэхүү ёслолд ханхүү Харри ганцаар оролцохоор болжээ. Тодруулбал, Харригийн эхнэр Сассексийн гүнгийн ахайтан Меган ёслолд оролцохгүй, АНУ-д хүүхдүүдийн хамт үлдэнэ гэж Букингемийн ордоноос лхагва гарагт гаргасан мэдэгдэлд дурджээ. Сассексийн гүн 5-р сарын 6-нд Вестминстерийн сүмд болох титэм өргөх ёслолд оролцоно гэдгийг дуулгаж байгаадаа баяртай байна. Сассексийн гүнгийн авхай хунтайж Арчи, гүнж Лилибет нарын хамт Калифорнид үлдэх болно” гэж ордны мэдэгдэлд дурдсан байв.
Харри, Меган нарыг түүхэн үйл явдалд оролцох эсэх талаар таамаглал удаан үргэлжилсэн. Нэгдүгээр сард хунтайж Харри “Нөөц” хэмээх дурсамж номоо хэвлүүлж хааны гэр бүлийн гишүүдийн сөргөлдөөнийг илчилж, өөрийн болон ах хунтайж Уильям хоорондын өрсөлдөөний талаар ч дэлгэсэн билээ.
Гуравдугаар сард гүнгийн хэвлэлийн төлөөлөгч CNN-д хэлэхдээ, хосууд урилга хүлээн авсан боловч хараахан баталгаажуулаагүй байна гэж байсан юм.
