Генерал Г.Болор “Эр зориг”-ийн шагнал хүртэв

Монгол Улсын ЗХЖШ-ын Сургалт, бэлтгэлийн газрын дарга бригадын генерал Г.Болор АНУ-ын Цагаан ордонд жил бүр болдог Олон улсын эмэгтэйчүүдийн эр зоригийн (IWOC-Internatiol Women of Courage Award) шагнал гардан авлаа. Шагналыг АНУ-ын Төрийн нарийн бичгийн дарга Антони Ж.Блинкен болон Тэргүүн хатагтай Жилл Байден нар гардуулан өгөв. 2023 оны IWOC шагналыг дэлхийн өнцөг булан бүрээс шалгарсан нийгмийн гэрэлт ирээдүйг цогцлоохын төлөө ажиллаж буй “онцгой” гэсэн тодотголтой 11 эмэгтэйд олгосон байна. Монгол, Афганистан, Аргентин, Төв Африкийн Бүгд Найрамдах улс, Коста Рика, Этиоп, Йордан, Казахстан, Малайз, Польш, Украин зэрэг улсын 11 улсын бүсгүй.