Канад улс өнөөдрөөс эхлэн “TikTok” видео аппликейшнийг хориглохоор болжээ. Канадын мэдээллийн ахлах ажилтан хяналт шалгалт явуулаад уг програм нь “хувийн нууц, аюулгүй байдалд эрсдэл учруулж байна” үзсэн учраас ийнхүү хориглохоор болсон байна. Ерөнхий сайд Жастин Трюдо даваа гарагт Торонтод хийсэн хэвлэлийн бага хурал дээр “Энэ бол эхний алхам, бидний хийх ёстой алхам ” гэжээ.
“TikTok” видео аппликейшнийг Хятадын “ByteDance” Ltd компанийн эзэмшдэг ба хүмүүсийн хувийн мэдээллийг ашигладаг, Хятадын засгийн газартай холбоотой гэсэн шүүмжлэлд өртдөг.
Өнгөрсөн оны сүүлээр АНУ-ын холбооны ажилтнуудад “TikTok” ашиглахыг хориглосон бөгөөд Даваа гарагт Цагаан ордон засгийн газрын харьяа байгууллагуудад уг програмыг системээсээ устгах 30 хоногийн хугацаа өгсөн юм. Мөн Америкийн хэд хэдэн их дээд сургуулиуд уг программыг сүлжээндээ ашиглахыг хориглосон бол Энэтхэг болон Азийн бусад хэд хэдэн оронд “TikTok” ашиглахыг хориглоод байна.
