“Самсунг” групп уур амьсгалын өөрчлөлттэй тэмцэх ажлын хүрээнд маргааш худалдаанд гарч эхлэх “Galaxy S23” ухаалаг гар утсандаа дахин боловсруулсан материал, эд ангиуд олныг ашиглажээ. Тухайлбал, S 23 загварын үзэгний гэрийг загасны тороор, дууны түвшин тааруулагч товчлуурыг усны сав, гадна их биеийг хуванцар сав, SIM картны оролтыг дахин боловсруулсан хөнгөн цагаан, дэлгэцийгдахин боловсруулсан шил ашиглан бүтээсэн байна.
Самсунг компанийн Бизнесийн механик судалгааны багийн ахлагч, гүйцэтгэх дэд ерөнхийлөгч Пак Сун Сун ” Самсунг нь бүтээгдэхүүнийхээ байгаль орчны сөрөг нөлөөллийг багасгахын зэрэгцээ чанарыг хадгалахын тулд чармайлт гаргасаар байгаа гээд Galaxy S23 загвар нь манай байгальд ээлтэй технологи, инновацид төвлөрсөн бүтээгдэхүүн гэж онцолжээ. Хэдийгээр бүтээгдэхүүндээ дахин боловсруулсан материал ашиглах нь үйлдвэрлэлийн өртөгийг нэмэгдүүлдэг ч нийгмийн хариуцлагаа ухамсарлаж, технологио шинэчлэн ажиллаж байна гэж гүйцэтгэх дэд ерөнхийлөгч Пак Сун Сун хэлэв.
