Нийслэлийн Засаг дарга бөгөөд Улаанбаатар хотын Захирагч Д.Сумъяабазарыг огцруулах жагсаал өнөөдөр 13:00 цагт болох юм байна. Хотын мээрийг албан үүргээ хангалттай биелүүлээгүй, цас мөс арилгах давс бодисын тендерийг будлиулсан, гаргасан шийдвэрүүд нь эрх зүйн зөрчилтэй гэх зэрэг үндэслэлүүдээр огцрох ёстой гэж энэ жагсаалыг зохион байгуулагчид үзэж байгаа юм байна. Д.Сумъяабазар 2020 онд нийслэлийн Сонгинохайрхан дүүргээс УИХ-ын гишүүнээр сонгогдсон боловч бүрэн эрхээсээ татгалзаж Хотын дарга болсон юм.