Английн Засгийн газар хуванцар хутга, таваг, тавиур зэрэг нэг удаагийн хэрэглээг хориглох хуулийг баталжээ. Англи улс жил бүр 1,1 тэрбум орчим нэг удаагийн таваг, 4,25 тэрбум ширхэг ийм хутга хэрэглэдэг бөгөөд үүний зөвхөн 10 хувийг нь ашигласны дараа дахин боловсруулдаг гэсэн тоо баримт гарчээ.
Судалгаанаас үзэхэд дэлхийн далай дахь хог хаягдлын дийлэнх хувийг хүнсний сав, хутганы хэрэгсэл зэрэг хүнсний бүтээгдэхүүн, ундааны хуванцар эд зүйлс эзэлдэг байна.
Энэ шийдвэрийг гаргахын тулд тус улсын Байгаль орчин, хүнс, хөдөөгийн асуудал эрхэлсэн газрынхан хоёр сайр орчим хэлэлцсэн бөгөөд шинэ хориг нь олон тэрбум хуванцараар байгаль дэлхийгээ бохирдуулахыг зогсоож, хойч үедээ байгаль орчныг хамгаалахад асар их нөлөө үзүүлнэ гэж үзэж буйгаа илэрхийллээ.
Хуванцар сэрээ задарч байгальд шингэх хүртэл 200 жил хэрэгтэй. Британичууд жилд 100 тэрбум орчим хуванцар савлагаа хаядаг. “Бид энэ асуудлыг шийдэхийн тулд арга хэмжээ авахаар шийдсэн, олон нийтийн дуудлагыг ч дахин сонссон гэж Байгаль орчин, хүнс, хөдөөгийн асуудал эрхэлсэн газрын нарийн бичгийн дарга Терез Кофи онцоллоо.
