Цахим худалдааны “Алибаба” сайтыг үүсгэн байгуулагч, Тэрбумтан Жэк Ма хоёр жилийн өмнө Шанхайд болсон дээд хэмжээний уулзалтын үеэр Хятадын зохицуулагчдын зүгээс технологийн компаниудад хандах хандлагыг шүүмжилснээс хойш олны өмнө бараг харагдахгү байгаа. Түүнийг гэр бүлийн хамт Японд нуугдаж байгаа гэх яриа гарсан. Тэгвэл мягмар гарагт Японы хэвлэл мэдээллийн Nikkei компанийн эзэмшдэг “Financial Times” сонинд Ма хамгийн сүүлд Японд амьдарч байгаа тухай мэдээллээ.
Тус сонин нэрээ нууцалсан эх сурвалжаас иш татан, англи хэлний багш асан технологийн од болсон залуу бараг зургаан сарын турш гэр бүлийнхээ хамт Токиод амьдарч байгаа гэж бичжээ. Тэрээр Японы хөдөөгийн халуун рашаан, цанын баазуудаар зочлох, мөн АНУ, Израиль руу тогтмол аялах зэргээр ажил хэрэг,аялал зугаалгыг хослуулан амьдар байгааг дурдсан байв.
Хятадын зүгээс түүний асар том технологийн эзэнт гүрний эсрэг арга хэмжээг авснаар нийт хөрөнгө нь бараг хоёр дахин буурч, бараг 50 тэрбум доллараас 21.7 тэрбум доллар болж буурсан гэдэг.
Ма Хятадын зохицуулагчдыг инновацийг боомилсон гэж буруутгасан нь ерөнхийлөгч Ши Жиньпинийг уурлуулсан. Хятадын зохицуулагчид Алибабагийн онлайн төлбөрийн охин компани “Ant Group”-ийн түүхэн дэх хамгийн том хувьцаа гэж хэлж болох 34 тэрбум долларын хөрөнгийг зах зээлийн эргэлтэд оруулахыг хориглож, хэдэн сарын дараа Алибабад 2.8 тэрбум долларын торгууль ногдуулсан билэ..
