БНСУ тус улсад хууль бусаар ажиллаж буй иргэдийг илрүүлэх, албадан гаргах ажиллагааг эхлүүлнэ гэдгээ мэдэгдлээ. БНСУ-ын Хууль зүйн яамнаас хийсэн мэдээллээр энэ дугаар сарын 11-нээс эхлэн нэг сарын хугацаанд гадаадаас тус улсад хууль бусаар ажиллаж, амьдарч буй иргэдийг илрүүлэх ажиллагааг өрнүүлэх бөгөөд холбогдох хууль журмыг чангатгахаар болсон байна.
Хууль бусаар амьдарч буй иргэдийг илрүүлж, албадан гаргах ажиллагааг жил бүр өрнүүлдэг, энэ дагуу хийгдэх ажил гэж албаны хүмүүс мэдээллээ.
Мөн тус улс цар тахлын дараах эдийн засгийн нөхцөл байдлаа сайжруулахаар гадаадын жуулчдын урсгалыг нэмэгдүүлэхээр төлөвлөжээ. ҮүниЙ тулд жуулчдад тавих хатуу горимуудаа өөрчилж, заавал вакцин хийлгэсэн байх, 72 цагийн дотор PCR шинжилгээ өгсөн байх зэрэг нөхцөлүүдээ болиулсан байна.
