Сүүлийн үед өсвөр насны хүүхдүүд, оюутан сурагчид суррон буюу цахилгаан дугуй унан замын хөдөлгөөнд их оролцох болсон. Цахилгаан дугуй нь техникийн нөхцөлд байдал, хүчин чадлын хувьд мотоциклын ангилалд ордог байна. Тиймээс сурроныг унан замын хөдөлгөөнд оролцох бол А ангиллын үнэмлэхтэй, насанд хүрсэн байх ёстойг мэргэжлийн хүмүүс анхаарууллаа. Учир нь энэ оны эхний найман сарын байдлаар суррон унаж байгаад амь нас, эрүүл мэндээрээ хохирсон 83 зам тээврийн осол бүртгэгджээ.
Суррон, мопедыг хамгаалах малгай хэрэгсэлгүйгээр унах, жолооны дүрмийн ямар ч мэдлэггүй насанд хүрээгүй хүүхэд унаж байгаад осол зөрчил гаргах нь ихэсч байгаа тул насанд хүрсэн, жолооны үнэмлэхтэй хүүхдэдээ л суррон, мопед унуулах ёстойг Замны уагдаагийн газраас анхааруулж байна.
Монгол Улсын замын хөдөлгөөний дүрэмд унадаг дугуйг хүртэлх насны хүүхэд харгалзах хүнтэйгээр зөвхөн явган хүний зам дээр, харин 10-аас 14 хүртэлх насны хүүхэд явган хүний зам болон түүн дээр тэмдэглэгдсэн унадаг дугуйн замаар унаж хөдөлгөөнд оролцож болно. 16 нас хүрээгүй бол мопед жолоодожзамын хөдөлгөөнд оролцохыг хориглоно гэж заасан байдаг ажээ.
