БНАСАУ хоёр өдрийн өмнө Японы дээгүүр баллистик пуужин харвасан. Тэгвэл өнөөдөр өглөө хойд Солонгос ойрын тусгалын хоёр баллистик пуужин дахин харважээ. Өмнөх пуужин харвасны дараа АНУ болон БНСУ хариу болгон дөрвөн пуужин харвасан. Энэ удаад АНУ хөлөг онгоц тээгч хөлгөө Солонгосын хойгийн ойролцоо байрлуулсны дараа энэ үйл явдал болсон байна.
Өмнөд Солонгосын арми АНУ-тай уялдаа холбоотой ажиллаж, бэлэн байдалд байгаагаа мэдэгдсэн бол Японы зүгээс пуужингууд эдийн засгийн онцгой бүсэд унаагүй гэж мэдэгдлээ. Сүүлийн харвасан пуужингууд Солонгосын хойг болон Японы хооронд унасан байна.
