Үндэсний их баяр наадмын дараа шатахууны үнэ литр тутамд хамгийн багадаа 300 төгрөгөөр нэмэгдэж болзошгүй талаар эх сурвалжууд мэдээлэв. Шалтгаан нь өнөөх л дэлхийн зах зээл дээр нефьтийн бүтээгдэхүүний үнэ өссөн гэх ээлжит бэлэн тайлбар. ОХУ-тай байгуулсан нефтийн бүтээгдэхүүн нийлүүлэх гэрээ 7-р сарын 1-ээр дуусгавар болж байгаа юм байна. Цаашид ямар хэмжээгээр нийлүүлэх, аль биржийн ханшийг баримтлах зэргийг дахин хэлэлцэж, шинээр гэрээ байгуулна гэсэн үг.
Одоо мөрдөж байгаа гэрээгээр бол Сингапурын биржийн ханшийг мөрдөхөөр зохицуулалт хийсэн байдаг. Энэ нь ОХУ-ын дотоодод шатахуун ямар үнэ ханштай байгаагаас үл хамаарч Сингапурын биржийн ханшийг дагана гэсэн үг. Үүнийг өөрчлөх, эсвэл хэвээр үргэлжлүүлэх эсэхийг хэлэлцээгээр тохирох учиртай. Гэхдээ шатахууны үнийн нэмэгдэл 300 төгрөгөөр хязгаарлагдахгүй байх магадлал өндөр. Учир нь импортлогчил удаан хугацаанд алдагдал хүлээсэн учир ” удаагийн үйлдлээр литр А92 шатахууны одоогийн үнийг 900 төгрөгөөр нэмэх саналтай байгаа ажээ.
