Францын Ерөнхийлөгчийн сонгууль өнгөрөгч ням гарагт болж Эммануэль Макрон 58.55 хувийн санал авч ялалт байгуулжээ.
Э.Макроны өрсөлдөгч Марин Ле Пений 41.46 хувийн санал авсан ба Дотоод хэргийн яамнаас мэдээлснээр, санал өгөх эрхтэй 48 752 500 сонгогчоос 35 096 391 хүн нь сонгуульд саналаа өгсөн байна.
2017 оны ерөнхийлөгчийн сонгуульд Э.Макрон, М.Ле Пен нар мөн өрсөлдсөн бөгөөд тухайн үед Э.Макрон 66.1 хувийн саналаар сонгогдож байсан юм.