Ерөнхийлөгчийн сонгуульд нэр дэвшигчдийг бүртгэх ажил одоо ид өрнөж байна. Хуулиар УИХ-д суудал авсан нам, эвслүүд сонгуульд нэр дэвшүүлэх эрхтэй. Өнөөдрийн байдлаар Энэ удаагийн ээлжит сонгуульд МАН, МАХН-аас У.Хүрэлсүх, ХҮН-аас Д.Энхбат, М.Тулгат даргатай АН-аас С.Эрдэнэ, О.Цогтгэрэл даргатай АН-аас Н.Алтанхуяг нэр дэвшихээр болж маргаан үргэлжилсээр байгаа юм.
Сонгуулийн ерөнхий хорооноос санал оруулж УИХ-аас баталснаар энэ удаагийн Ерөнхийлөгчийн ээлжит сонгуульд 26.9 тэрбум төгрөг зарцуулахаар төсөвлөжээ. Үүнээс гадна 2019 онд шинэчилсэн Үндсэн хуулийн дагуу Ерөнхийлөгчийн сонгууль болж байгаагаараа онцлог. Сонгуулиар олонхын санал авч сонгогдсон Ерөнхийлөгч анх удаа 6 жилийн бүрэн эрхийн хугацаанд ажиллана.
