Нийслэлийн ИТХ-ын анхдугаар хуралдаан болж байна. Орон нутгийн сонгуулиар нийслэлд МАН олонх болж, ирэх 4 жил дангаар засаглах эрхтэй болсон. Анхдугаар хуралдааны эхэнд сонгогдсон төлөөлөгч нарт энгэрийн тэмдэг, үнэмлэх гардуулж өглөө. Ингэснээр нийслэлийн ИТХ бүрэн эрхээ албан ёсоор хэрэгжүүлж эхлэв.
Энэ хуралдаанаар нийслэлийн ИТХ-ын даргад Ж.Батбаясгалан, нийслэлийн Засаг дарга бөгөөд Улаанбаатар хотын Захирагчид Д.Сумъяабазарыг олонхын бүлгээс нэр дэвшүүлсэн асуудлыг хэлэлцэнэ. Нэгэнт эрх баригч намын Удирдах зөвлөл дээр нэрс эцэслэгдсэн тул томилгоо ногоон гэрлээр явах нь дамжиггүй.
Д.Сумъябазарын хувьд УИХ-ын гишүүнээсээ татгалзаж Хотын даргад нэр дэвшсэн анхны тохиолдол болов. Түүнийг НИТХ-аас дэмжиж, Ерөнхий сайд батламжилсны дараа гишүүнээсээ татгалзаж, түүний сонгогдсон нийслэлийн Сонгинохайрхан дүүрэгт нөхөн сонгууль явуулах нь тодорхой боллоон
