Нийслэлийн ИТХ-ын Тэргүүлэгчид өнөөдөр хуралдлаа. Хуралдаанаар нийслэлийн ИТХ-ын анхдугаар хуралдааны товыг аравдугаар сарын 23-ны өдөр буюу баасан гарагт 11.00 цагт байхаар товлолоо. Анхдугаар хуралдаанаар Нийслэлийн ИТХ-ын даргыг сонгож, намын бүлгүүд байгуулагдан бүлгийн дарга нараа сонгох юм. Мөн нийслэлийн Засаг дарга бөгөөд Улаанбаатар хотын Захирагчийн нэрийг дэвшүүлнэ.
Тогтсон дэгээр бол нийслэлийн ИТХ-ын анхдугаар хуралдааныг хамгийн ах настай төлөөлөгч удирдан явуулдаг. МАН-ын Удирдах зөвлөлөөс Хотын даргад нэр дэвшигчийг өнөөдөр тодруулсны дараа НИТХ дахь МАН-ын бүлгээр хэлэлцээд албан ёсоор нэр дэвшүүлэн томилох учиртай.
