Засгийн газраас Жижиг, дунд үйлдвэрийн газрыг өнгөрсөн 7 хоногт байгуулсан. Монгол Улсын урт хугацааны хөгжлийн бодлого “Алсын хараа-2050”-т тусгасан “Бичил, жижиг, дунд бизнес эрхлэх өрх, гэр бүл, өөрийгөө тэтгэн амьдрах боломжтой, сэтгэл хангалуун амьдрах нөхцөлөөр тэтгэгдсэн дундаж давхарга бүрдүүлэх” зорилтыг энэхүү агентлаг хэрэгжүүлэн ажиллана.
Монгол Улсын Засгийн газрын өнөөдрийн хуралдаанаар Жижиг, дунд үйлдвэрийн газрын даргаар Я.Эрдэнэсайханыг томилжээ. Тэрбээр 2018 оноос хойш ХХААХҮЯ-ны Жижиг, дунд үйлдвэр, хоршооны бодлогын хэрэгжилтийг зохицуулах газрын дарга, Төрийн захиргаа, удирдлагын газрын даргаар ажиллаж байжээ.
Жижиг, дунд үйлдвэрийг дэмжих тухай хуулийн нэмэлт өөрчлөлт, Засгийн газраас баталсан жижиг, дунд үйлдвэрийг дэмжих хөтөлбөрүүд болон ЖДҮДС-гийн шинэчилсэн найруулгаар баталсан, зээл олгох шинэ журмыг боловсруулахад гардаж ажилласан нэгэн ажээ.
