Шадар сайд Ө.Энхтүвшин болон Эрүүл мэндийн сайд Сарангэрэл нар өнөөдөр Төв цэвэрлэх байгууламжийн үйл ажиллагаатай танилцсан. Энэ үеэр Шадар сайд УСУГ-ын Төв цэвэрлэх байгууламжийн ажилтнууд маш хүнд нөхцөлд ажилладагийг анзаарснаа хэлээд энэ талаар Засгийн газрын хурлаар асуудал оруулж, цалин хөлсийг нэмэх, ажлын хүнд нөхцөл байдлыг сайжруулах чиглэлээр арга хэмжээ авахаа амаллаа.
Үнэхээр ч Цэвэрлэх байгууламжийн ажилтнууд тун хүнд нөхцөлд ажилладаг бөгөөд УСУГ-аас ажилтнуудаа Хөдөлмөрийн эрүүл мэнд судлалын төв”-д хамруулж дүгнэлт гаргуулж, мэргэжлийн байгууллагатай хамтран эмчлэх ажлыг зохион байгуулдаг байна. Гэвч ажилтнуудын өвчлөл төдийлэн сайн буурахгүй байгаа ба чих хамар хоолой, мэдрэл, дотор, харшил, зүрх судасны өвчинд илүүтэй өртдөг байна.
