Дуучин Пинк нэг сая долларыг “Covid 19” өвчний эсрэг тэмцэхэд зориулж хандивлажээ. Тодруулбал, Лос Анжелес хотын Яаралтай тусламжийн төв болон Temple их сургуулийн эмнэлгийн санд тус бүр 500 мянган ам. долларыг хандив болгон өгсөн байна. Тэрээр 3 настай хүүгийн хамт коронавирусний шинжилгээ өгөхөд хариу нь эерэг гэж гарч хэсэг хугацаанд тусгаарлагдаж эмчлүүлсэн бөгөөд хэд хоногийн өмнө дахин шинжилгээ өгөхөд хариу нь сөрөг гарсан аж.
Тэрээр илүү олон хүнийг шинжилгээнд хамруулах тал дээр засгийн газраа хангалттай ажиллахгүй байна гэж шүүмжлээд дэлхийн өнцөг булан бүрд бусдын хайртай хүмүүсийг аврахаар ажиллаж буй эрүүл мэндийн ажилтнуудад твиттерээрээ дамжуулан талархлаа илэрхийлсэн байна.
