БНХАУ-ын Алибаба сайтын үүсгэн байгуулагч, тэрбумтан Жак Ма 100 сая юань буюу 14,4 сая ам.долларыг коронавирүсийн вакцин гаргаж авахад зориулж хандивлажээ.
Тэрээр өмнө нь “Жак Ма сан”-ынхаа хөрөнгөнөөс 40 сая юанийг шинжлэх ухааны хоёр ч байгууллагад хандивлаж, Ухань болон Хэбэй муж дахь короновирүсийн тархалтыг бууруулах, эмнэлгийн тусламж үйлчилгээнд зориулж хандив өргөсөн байна.
Алибабагаас гадна “Huawei”, интернэт худалдааны “Tencent “, Tiktok хувь эзэмшигч “ByteDance”, хоол хүргэлтийн “Meituan-Dianping”, хайлтын “Baidu” зэрэг олон компани коронавирусын эсрэг нэгдэж хандив өргөжээ.
АНУ болон БНХАУ-ын эрдэмтэд аль аль нь коронавирүсийн вакцин гаргаж авахаар ажиллаж буй. Ойролцоогоор жил орчмын хугацаанд вакцин бэлэн болно гэж АНУ-ын Үндэсний институтийн Харшил, халдварт өвчин судлалын төвийн захирал Антони Фауси хэлэв.
Эх сурвалж: CNN